Formula 1: Maks Ferstappen pilotların reytinqində birinci yeri tutub
Bakı, 29 dekabr, AZƏRTAC
Formula 1 üzrə dünya çempionatının nəticələrinə əsasən, “Red Bull” komandasının niderlandlı sürücüsü Maks Ferstappen pilotların reytinqində birinci yeri tutub.
AZƏRTAC xəbər verir ki, bu barədə Formula 1-in mətbuat xidməti məlumat yayıb.
Sorğu Formula 1 sürücüləri arasında keçirilib və iştirakçıların hər biri 10 pilota səs verib. Sürücülərin xalları Formula 1-də mövcud hesablama sisteminə əsasən hesablanıb. Sorğuda ikinci yeri “Mercedes”in britaniyalı pilotu Luis Hamilton tutub. Üçüncü yerdə isə onun həmyerlisi, “McLaren”də çıxış edən Lando Norris qərarlaşıb. Bundan əvvəl komandaların rəhbərləri tərəfindən M.Ferstappen mövsümün ən yaxşı sürücüsü seçilib.
Qeyd edək ki, niderlandlı sürücü 2017-2020-ci illərdə çempionluq qazanan L.Hamiltonun qələbə seriyasını qıraraq karyerasında ilk dəfə dünya çempionu olub.
Bölmənin digər xəbərləri
