Fövqəladə Hallar Nazirliyinin Türkiyədə meşə yanğınlarının söndürülməsində iştirak etmiş əməkdaşları mükafatlandırılıb
Bakı, 23 avqust, AZƏRTAC
Prezident İlham Əliyev avqustun 23-də Fövqəladə Hallar Nazirliyinin Türkiyə Respublikasında meşə yanğınlarının söndürülməsində iştirak etmiş əməkdaşlarının mükafatlandırılması haqqında Sərəncam imzalayıb.
AZƏRTAC xəbər verir ki, Sərəncama əsasən, Türkiyə Respublikasında meşə yanğınlarının söndürülməsində iştirak etmiş əməkdaşların mükafatlandırılması üçün Azərbaycan Respublikasının 2021-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Fövqəladə Hallar Nazirliyinə bir milyon manat vəsait ayrılıb.
Bölmənin digər xəbərləri
