FRANSA-BELÇİKA-2:0
AZƏRTAC-ın xüsusi müxbiri xəbər verir ki, fevralın 18-də Fransanın futbol üzrə yığma komandası Belçikanın paytaxtı Brüsseldə bu ölkənin yığma komandası ilə yoldaşlıq görüşü keçirmişdir. Görüş 2004-cü il iyunun 12-dən iyulun 4-dək “Avropa –2004” adı altında UEFA kuboku uğrunda keçiriləcək yarışlarda hər iki komandanın hazırlıq səviyyəsini yoxlamaq məqsədi daşıyırdı.
Oyun fransızların üstünliyi ilə keçmişdir. Birinci hissənin 45-ci dəqiqəsində meydan sahiblərinin qapısına ilk topu 22 nömrəli oyunçu Gov vurmuşdur. İkinci hissədə də fransızlar irəli çıxmış, 75-ci dəqiqədə 9 nömrəli oyunçu Saha hesabdakı fərqi artırmışdır. Beləliklə, oyun 2:0 hesabı ilə fransızların xeyrinə qurtarmışdır.
Bütün oyun boyu güclü yağış yağmışdır.
Bölmənin digər xəbərləri
