FRANSADA ATA İKİ QIZINI ASMIŞ, ÖZÜ İSƏ İNTİHAR ETMİŞDİR
AZƏRTAC-ın xüsusi müxbiri xəbər verir ki, Fransanın Uaz departamentindəki Lakrua-Yan yaşayış qəsəbəsində ata iki qızını asmış, sonra da özünə sui-qəsd etmişdir.
Yerli polis hadisənin ailə münaqişəsi zəminində baş verdiyini bildirmişdir. İki il əvvəl həyat yoldaşından ayrılmış 40 yaşlı ata qızlarının anaları ilə yaşadıqları evə gəlmiş, 2 və 7 yaşlı uşaqlarını qətlə yetirmiş və sonra isə özünü öldürmüşdür.
İşdən qayıdan ana qızlarını ikinci mərtəbədəki otaqların birində tavandan asıldığını görmüş və dərhal polisə müraciət etmişdir. Hadisə yerinə gəlmiş polis başqa bir otaqda atanı tavandan asılı vəziyyətdə tapmışdır. Hadisə ilə bağlı hər hansı məktub tapılmamışdır.
Qızların anası baş vermiş faciə ilə əlaqədar məlumatı olmadığını bildirmişdir.
Polis cinayət işi açmışdır, təhqiqat aparılır.
Bölmənin digər xəbərləri
