MƏDƏNİYYƏT
Fransanın ERE televiziya kanalı ölkəmizlə bağlı reportaj yayımlayıb
![](/files/galleryphoto/2022/2/1200x630/16522735105351258842_1200x630.jpg)
![](/files/galleryphoto/2022/2/1200x630/16522735102985953978_1200x630.jpg)
![](/files/galleryphoto/2022/2/1200x630/16522735101595845770_1200x630.jpg)
![](/files/galleryphoto/2022/2/1200x630/16522735101231413420_1200x630.jpg)
![](/files/galleryphoto/2022/2/1200x630/16522735101523249478_1200x630.jpg)
Paris, 11 may, AZƏRTAC
Fransanın ERE televiziya kanalı Fransız-Azərbaycan Universiteti (UFAZ) haqqında reportaj yayımlayıb.
AZƏRTAC xəbər verir ki, reportajda UFAZ-ın yaradılmasından bəhs olunub. Azərbaycanın, eləcə də UFAZ-ın binasının tarixi haqqında ətraflı məlumat verilib.
UFAZ-ın azərbaycanlı və fransız müəllimləri, eləcə də tələbələr tədris proqramlarından, təhsildən danışıblar. UFAZ-ın Strasburq və Renn universitetləri ilə əməkdaşlığından söz açılıb.
Müəllif, eyni zamanda, Azərbaycan Dövlət Neft Akademiyasının tarixinə nəzər salıb, bu ali təhsil ocağının hələ sovetlər dövründən neft sahəsində mütəxəssislər hazırladığı, dünyanın müxtəlif ölkələrindən tələbələr qəbul etdiyi diqqətə çatdırılıb.
Qeyd edək ki, ERE televiziya kanalının jurnalistləri Azərbaycanda səfərdə olublar və bu səfər çərçivəsində ölkəmizin tarixi, Qarabağ, Şuşa haqqında, eləcə də respublikamızın turizm imkanlarına, milli mətbəxinə dair silsilə reportajlar hazırlayıblar. Bu reportajlar telekanal vasitəsilə mütəmadi olaraq yayımlanacaq.
Şəhla Ağalarova
AZƏRTAC-ın xüsusi müxbiri
Paris