Futbol üzrə Azərbaycan Premyer Liqasının beşinci turunun təqvimi açıqlanıb
Bakı, 9 sentyabr, AZƏRTAC
Futbol üzrə Azərbaycan Premyer Liqasının beşinci turunun təqvimi açıqlanıb.
AZƏRTAC Peşəkar Futbol Liqasının saytına istinadla xəbər verir ki, üç günü əhatə edəcək tura sentyabrın 21-də “Kapital Bank Arena”da keçiriləcək “Sumqayıt” - “Sabah” oyunu ilə start veriləcək. Oyun saat 17:30-da başlayacaq. Həmin gün “ASCO Arena”da baş tutacaq “Səbail” - “Qəbələ” matçı isə saat 19:45-də start götürəcək.
Sentyabrın 22-də “Bakcell Arena”da keçiriləcək “Neftçi” - “Keşlə” matçı saat 18:30-da oynanılacaq. Turun sonuncu oyunu sentyabrın 23-də “Zirə” və “Qarabağ” komandaları arasında baş tutacaq. Zirə İdman Kompleksinin stadionunda təşkil olunacaq görüş saat 19:00-da başlayacaq.
Turun bütün görüşləri “CBC Sport” kanalı ilə birbaşa yayımlanacaq.
Üç turdan sonra turnir cədvəlinə 9 xalla “Qarabağ” klubu başçılıq edir. Altı xalı olan “Səbail” və “Keşlə” ikinci və üçüncü yerləri bölüşürlər. Digər pillələrdə müvafiq olaraq “Zirə” (4 xal), “Neftçi” (4), “Sumqayıt” (3), “Sabah” (2) və “Qəbələ” (0) qərarlaşıblar.
Bölmənin digər xəbərləri
