FUTBOLÇULAR VƏ KLUBLAR CƏRİMƏLƏNMİŞDİR
“Turan” – “Bakı” görüşündə qonaq komandanın futbolçusu Andre Ladaqa rəqibə başı ilə zərbə endirdiyinə görə qırmızı vərəqə aldığı üçün NİK-in qərarı ilə növbəti iki oyundan kənarlaşdırılmış, təmsil etdiyi klub isə 2 min AZN məbləğində cərimələnmişdir.
“Gənclər birliyi” – “Simurq” qarşılaşmasında “Simurq”un 4 futbolçusu sarı vərəqə aldığına görə kluba 1000 AZN məbləğində cərimə kəsilmişdir.
“Xəzər–Lənkəran” – “Neftçi” görüşü zamanı yerli komandanın 4 futbolçusu sarı vərəqə aldığı üçün və klub oyunqabağı yığıncağı vaxtında təşkil etmədiyinə görə 2 min AZN, azarkeşlərinin meydançaya kənar əşyalar atması və onların pirotexniki vasitələrdən istifadə etməsi ilə bağlı daha 2 min AZN məbləğində cərimə olunmuşdur.
Həmin qarşılaşmada “Neftçi” komandasının futbolçusu Svyatoslav Stefanov aldığı 2-ci sarı vərəqəyə görə qırmızı vərəqə ilə cəzalandırıldığı üçün NİK-in qərarı ilə növbəti oyundan kənarlaşdırılmış, klub isə 200 AZN məbləğində cərimə edilmişdir.
Bölmənin digər xəbərləri
