“GƏNC HƏRBİ SÜRÜCÜ” VƏTƏNPƏRVƏRLİK İNTELLEKTUAL OYUN–VİKTORİNASI KEÇİRİLMİŞDİR
Bakı, 25 dekabr (AZƏRTAC). Dekabrın 25-də Könüllü Hərbi Vətnpərvərlik Texniki İdman Cəmiyətinin (KHVTİC) avtomobil məktəbləri və texniki idman klublarının müdavimləri arasında “Gənc hərbi sürücü” vətənpərvərlik intellektual oyun-viktorinasının Bakı birinciliyi keçirilmişdir.
KHVTİC-nin sədri Novruzəli Orucov bildirmişdir ki, “Gənc hərbi sürücü” oyun viktorinası cəmiyyətin 85 illik tarixində ilk belə yarışdır. Son illər rəhbərlik etdiyi qurumun xətti ilə respublika miqyasında müxtəlif texniki idman yarışları keçirilmişdir ki, bu da ictimaiyyətin böyük rəğbətini qazanmışdır.
N.Orucov qeyd etmişdir ki, yalnız 2009-cu ildə keçirilən tədbirlərin sayı 100-ə yaxın olmuşdur. Ötən il ərzində minlərlə məktəbli və tələbə bu idman yarışlarının iştirakçısına çevrilmiş, qiymətli hədiyyələr və fəxri fərmanlara layiq görülmüşdür.
Oyun-viktorinada KHVTİC-nin avtomobil məktəblərini və texniki idman klublarını təmsil edən 10 komanda iştirak etmişdir.
Viktorinada fərqlənmiş komandalar diplom və qiymətli hədiyyələrlə mükafatlandırılmışlar.
Bölmənin digər xəbərləri
