Gəncədə “Qida və yüngül sənayenin aktual problemləri” mövzusunda beynəlxalq elmi konfrans keçiriləcək
Gəncə, 25 aprel, Rauf Hacıyev, AZƏRTAC
Azərbaycan Texnologiya Universiteti ümummilli lider Heydər Əliyevin anadan olmasının 96 illiyinə həsr olunmuş “Qida və yüngül sənayenin aktual problemləri” mövzusunda beynəlxalq elmi konfrans keçirəcək.
Universitetin Mətbuat xidmətindən AZƏRTAC-ın bölgə müxbirinə bildirilib ki, iki gün davam edəcək konfransın təşkilatçıları Təhsil Nazirliyi, Kiçik və Orta Biznesin İnkişafı Agentliyi (KOBİA), Azərbaycan Sahibkarlar Konfederasiyası (ASK), Azərbaycan Texnologiya Universiteti və Mingəçevir Tekstil Fabrikidir.
Beynəlxalq tədbirdə qida və yüngül sənaye sahələrinin ən vacib məsələləri, aktual problemləri gündəmə gətiriləcək, həlli yolları müzakirə ediləcək, təcrübə mübadiləsi aparılacaq.
Konfransın məcmuələr toplusuna 20 ölkədən 200-ə yaxın tezis daxil edilib.
Bölmənin digər xəbərləri
