GƏNCƏDƏ ZONA MÜŞAVİRƏSİ KEÇİRİLMİŞDİR
AZƏRTAC xəbər verir ki, bu fikirlər korrupsiyaya qarşı mübarizə istiqamətində həyata keçirilən tədbirlərin müzakirəsi ilə əlaqədar Gənclər və İdman Nazirliyinin Respublikanın Baş Prokurorluğu ilə birgə Gəncədə təşkil etdiyi zona müşavirəsində səslənmişdir. 19 rayondan gəlmiş nümayəndələrin iştirakı ilə keçirilən tədbrdə bütün dünyada sosial bəlaya çevrilmiş korrupsiyanın törətdiyi təzadlardan söhbət açılmış, bu istiqamətdə reallaşdırılan tədbirlər ətraflı müzakirə edilmişdir. Qeyd olunmuşdur ki, respublika Prezidenti tərəfindən 2005-ci ildə imzalanmış korrupsiyaya qarşı mübarizə Qanunu, habelə respublikanın Baş Prokurorluğu yanında Korrupsiyaya Qarşı Mübarizə İdarəsinin fəaliyyətə başlaması bu sahədə aparılan mübarizəyə xeyli təkan vermişdir. İdarəyə daxil olan 200-ə yaxın müraciətdən 40-ı araşdırılmaq üçün məhkəmələrə göndərilmişdir.
Müşavirədə həmçinin, korrupsiyaya qarşı mübarizənin gücləndirilməsində ictimaiyyətin rolun, dövlətin və cəmiyyətin inkişafına əngəl törədən bu bəladan yaxa qurtarmağın digər üsulları barədə məruzələr dinlənilmişdir.
