GƏNCƏLİ UŞAQ RƏSSAMLARIN SƏRGİSİ AÇILMIŞDIR
Sərgidə uşaqların 190 rəsmi nümayiş etdirilir.
Gənc Heydərçilər Rəsm Qalereyası və gənclər sarayının rəhbəri Təranə Namazova tədbiri açaraq başçılıq etdiyi qurumun fəaliyyəti barədə məlumat vermişdir. Bildirmişdir ki, qalereya 2005-ci ildən fəaliyyət göstərir. Buradakı rəsm dərnəyində 150-dən artıq uşaq təsviri sənətin sirlərinə yiyələnir. Hazırda onların arasında respublika uşaq rəsm müsabiqələrinin qalibləri, müxtəlif sərgilərdə diplom və laureat adını qazananlar vardır.
“Uşaq dünyası” qalereyasının direktoru Aynurə Məmmədova, Təhsil Nazirliyinin şöbə müdiri Ağababa İbrahimov və başqaları gəncəli uşaqları əlamətdar gün münasibətilə təbrik etmiş, onlara uğurlar arzulamışlar.
Sərgi noyabrın 16-dək davam edəcəkdir.
Bölmənin digər xəbərləri
