GƏNCLƏR QONDARMA “ERMƏNİ SOYQIRIMI”NA ETİRAZ ETMİŞLƏR
Azərbaycanın dövlət himni səsləndikdən sonra erməni terrorunu əks etdirən sənədli film göstərilmişdir.
Çıxış edənlər ermənilərin və onların havadarlarının son iki əsrdə xalqımıza qarşı həyata keçirdikləri soyqırımı, torpaqlarımızda törətdikləri qanlı faciələr, bu cinayətlərin planlı şəkildə davam etdirildiyi, minlərlə günahsız insanın xüsusi qəddarlıqla qətlə yetirildiyi barədə danışmış, qəsbkar düşmənin işğalçılıq siyasətindən bu gün də əl çəkmədiyini vurğulamışlar.
Birliyin sədri Şəmsi Axundov bu həqiqətləri dünyaya çatdırmaqda gənclərin mühüm rolunu qeyd etmiş və bildirmişdir ki, gənclərimiz işğal olunmuş əzəli Azərbaycan torpaqlarını hər an azad etməyə hazırdırlar.
Milli Məclisin deputatı Fuad Muradov Azərbaycan Prezidenti İlham Əliyevin torpaqlarımızın qan tökülmədən qaytarılması istiqamətində apardığı siyasətdən danışmış və gənclərin döyüş əmrinə hər an hazır olduqlarını diqqətə çatdırmışdır.
Tədbirdə müxtəlif dövlət və qeyri-hökumət təşkilatlarının və Azərbaycanda fəaliyyət göstərən xarici nümayəndəliklərin təmsilçiləri iştirak edirdilər.
Bölmənin digər xəbərləri
