GƏNCLƏR VƏ İDMAN NAZİRLİYİNİN YARANMASININ 13-CÜ İLDÖNÜMÜ AĞDAŞDA QEYD OLUNMUŞDUR
AZƏRTAC-ın müxbiri xəbər verir ki, Gənclər və İdman Nazirliyinin yaranmasının 13-cü ildönümü münasibətilə iyulun 26-da Ağdaş şəhərindəki “Olimp” gənclər mərkəzində toplantı keçirilmişdir.
Tədbirdə çıxış edənlər ölkəmizdə həyata keçirilən gənclər siyasətinin əhəmiyyətindən, 1994-cü il iyulun 26-da təsis edilən nazirliyin fəaliyyətindən, bu qurumun Azərbaycan gəncliyinin formalaşmasında, təşkilatlanmasında, vətənə layiqli şəxslər kimi yetişməsində xidmətlərindən danışmışlar.
Ulu öndər Heydər Əliyevin gənclərə diqqət və qayğısından söz açan natiqlər bu uğurlu siyasətin Prezident İlham Əliyev tərəfindən layiqincə davam etdirildiyini vurğulamışlar. Bildirilmişdir ki, dövlətimizin başçısı İlham Əliyevin Sərəncamı ilə 2007-ci ilin Gənclər ili elan olunması, gənc imtiyazlı ailələrə ipoteka kreditlərinin verilməsi, tələbələrin təqaüdlərinin artırılması və digər sosial tədbirlər dövlətin gənclərə diqqət və qayğısının əyani təzahürü kimi qiymətləndirilmişdir.
Sonra yeniyetmə və gənclər arasında güllə atıcılığı üzrə rayon birinciliyinə start verilmişdir. Tədbir Heydər Əliyev adına istirahət parkında rəngarəng konsert proqramı ilə davam etdirilmişdir.
Bölmənin digər xəbərləri
