Güllə atıcılarımız beynəlxalq yarışda iştirak edirlər
Bakı, 10 may (AZƏRTAC). Mayın 9-dan Almaniyanın Hannover şəhərində güllə atıcılığı üzrə beynəlxalq yarış keçirilir.
Azərbaycan Atıcılıq Federasiyasından AZƏRTAC-a bildirmişlər ki, yarışda Azərbaycanı baş məşqçi Olqa Stepanovanın rəhbərliyi ilə Afina Olimpiya Oyunlarının bürünc mükafatçısı İradə Aşumova, Rəsul Məmmədov, Mehriban Məcidova, Türkan Abdullazadə təmsil edirlər.
Mayın 15-dək davam edəcək turnirdə idmançılar 10 metr məsafədəki hədəflərə pnevmatik silahdan atəşaçma yarışları üzrə mübarizə aparacaqlar.
Bölmənin digər xəbərləri
