GÜRCÜSTAN–AZƏRBAYCAN İQTİSADİ MÜNASİBƏTLƏRİNƏ HƏSR OLUNMUŞ İNTERNET-FORUM AÇILMIŞDIR
Azərbaycanda fəaliyyət göstərən İREX beynəlxalq humanitar təşkilatı (ABŞ) “Azərbaycanla Gürcüstan arasında iqtisadi münasibətlərin inkişaf perspektivləri” mövzusunda sentyabrın 30-da axşam İnternet-forum açmışdır. Arzu edənlərin hamısı bir həftə ərzində forumda iştirak edə biləcəkdir. Bunun üçün təşkilatın sayıtına (www.iatp.az) girmək və foruma qoşulmaq kifayətdir.
İştirakçılar suallarla mütəxəssislərə müraciət etməklə yanaşı, öz baxışlarını açıqlaya, fikir mübadiləsi də apara bilərlər. Forumda iki ölkə arasında iqtisadi münasibətlərin öncül istiqamətləri, əsrin layihəsinin – Bakı-Tbilisi-Ceyhan neft kəmərinin bütün regionun inkişafında rolu və s. məsələlər nəzərdən keçiriləcəkdir.
Azərbaycanın və Gürcüstanın müxtəlif bölgələri nümayəndələrinin forumda iştirakı gözlənilir.
Bölmənin digər xəbərləri
