GÜRCÜSTAN GÖMRÜK DEPARTAMENTİNİN SƏDRİ TÜRKİYƏLİ YÜKDAŞIYANLARLA GÖRÜŞÜB
Z.Anteladze onları Gürcüstan Gömrük Məcəlləsindəki dəyişikliklərlə tanış etmişdir. Dəyişikliklərə müvafiq olaraq, gələn il yanvarın 1-dən Gürcüstan ərazisində yüklərin daşınması üçün bank sığortası, yaxud sığorta şirkətinin sənədi tələb olunacaqdır.
Gömrük Departamentinin rəhbəri bildirmişdir ki, bu sənədləri gömrükxanaya təqdim etməyən yükdaşıyanların Gürcüstan ərazisində hərəkətinə icazə verilməyəcək və onlar geri qaytarılacaqlar.
Sonda Z.Anteladze türkiyəli yükdaşıyanların problemləri ilə maraqlanmışdır. Türklər Gürcüstana idxal olunan məhsulun gömrük rüsumunun müəyyən edilməsində mövcud problemləri vurğulamışlar. Sədr bu problemin yoluna qoyulması üçün iki ölkənin gömrük orqanlarının informasiya bazalarının müqayisə edilməsinin vacib olduğunu, artıq bu işə başlanıldığını bildirmişdir.
Bölmənin digər xəbərləri
