Gürcüstan hökuməti prezidentin inaqurasiyasından 3 həftə sonra formalaşdırılacaqdır

31.10.2013 [15:30]
Çap et
A⁺ A^-

Tbilisi, 31 oktyabr (AZƏRTAC). Gürcüstanın yeni seçilmiş prezidentinin noyabrın 17-də keçiriləcək inaqurasiyasından sonra üç həftə ərzində yeni hökumət formalaşdırılacaqdır. Mövcud requlyasiyaya əsasən prezidentin inaqurasiyasından sonra hökumət istefa verir və yeni hökumətin formalaşdırılmasına başlanır.

Mövcud qanunvericiliyə əsasən parlament əksəriyyəti Baş nazir vəzifəsinə namizədlə prezidenti tanış edir və prezident onun namizədliyini ali qanunvericilik orqanının müzakirəsinə təqdim edir. Baş nazir vəzifəsinə namizəd isə öz proqramı ilə birlikdə hökumətin yeni tərkibini parlamentin müzakirəsinə verir.

Parlamentin komitələrində və fraksiyalarında müzakirələr başa çatdıqdan sonra məsələ ümumi yığıncaqda səsə qoyulacaqdır.

İslam Əliyev

AZƏRTAC-ın xüsusi müxbiri

Tbilisi