Gürcüstan kənd təsərrüfatı məhsullarının ixracını 35 faiz artırıb
Tbilisi, 9 aprel, AZƏRTAC
Gürcüstan bu il kənd təsərrüfatı məhsullarının ixracını 35 faiz artırıb.
Gürcüstanın Ətraf Mühit və Kənd Təsərrüfatı Nazirliyinin yaydığı məlumatda deyilir ki, cari il aprelin 1-nədək Gürcüstan 207,5 milyon dollarlıq kənd təsərrüfatı məhsulları ixrac edib.
AZƏRTAC xəbər verir ki, bu da 2017-ci ilin birinci rübü ilə müqayisədə 34,7 faiz çoxdur. 2017-ci ilin ilk 3 ayında Gürcüstan xarici ölkələrə 154 milyon dollar həcmində kənd təsərrüfatı məhsulları göndərib.
Hesabat dövründə Gürcüstandan Azərbaycana ixrac olunan kənd təsərrüfatı məhsulları 23,2 milyon dollar təşkil edib.
Həmin dövrdə Gürcüstandan Rusiyaya 52,2 milyon dollar, Avropa İttifaqına 42,6 milyon, Türkiyəyə 22,2 milyon, Ukraynaya 16,5 milyon, Qazaxıstana isə 11,1 milyon dollar məbləğində mal ixrac olunub.
Gürcüstan xarici ölkələrə əsasən xalis üzüm şərabı (41,9 milyon dollar), mineral və saf bulaq suyu (32,3 milyon dollar), spirtli içkilər (28,5 milyon dollar) və qoz və fındıq (18,6 milyon dollar) göndərib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
