Gürcüstanda daha 42 nəfər pandemiyanın qurbanı olub
Tbilisi, 31 oktyabr, AZƏRTAC
Gürcüstanda son sutkada daha 3 min 382 nəfər koronavirusa yoluxub, 42 pasiyent isə pandemiyanın qurbanı olub.
AZƏRTAC xəbər verir ki, bu barədə Gürcüstanın Xəstəliklərə Nəzarət və İctimai Sağlamlıq Milli Mərkəzindən məlumat verilib.
Bildirilib ki, bununla da ölkədə indiyədək COVID-19-a yoluxanların ümumi sayı 719 min 247-yə, ölənlərin sayı isə 10 min 45-ə çatıb. Son sutkada 5 min 389, ümumilikdə isə 660 min 518 nəfər müalicə olunaraq sağalıb.
Hazırda Gürcüstanda 43 nəfər karantində, 33 min 524 nəfər isə özünütəcrid rejimindədir.
Bu günədək Gürcüstanda 1 milyon 977 min 317 nəfər koronavirusa qarşı vaksinasiya olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
