Gürcüstanda keçiriləcək seçkilərə 50 siyasi partiya qatılacaq
Tbilisi, 9 avqust, AZƏRTAC
Gürcüstanda yerli özünüidarəetmə orqanlarına və bəzi şəhərlərin meri vəzifəsinə oktyabrın 2-də keçiriləcək seçkilərdə 50 siyasi partiya iştirak edəcək.
AZƏRTAC xəbər verir ki, bu barədə Gürcüstan Mərkəzi Seçki Komissiyası (MSK) məlumat yayıb.
MSK artıq siyasi partiyaların seçkilərdə iştirak üzrə sıra nömrələrini müəyyən edib.
Hakim “Gürcü Arzusu-Demokratik Gürcüstan” Partiyası seçkilərdə 41-ci, əsas ana müxalifət hesab edilən “Vahid Milli Hərəkat” partiyası 5-ci nömrə altında çıxış edəcək.
Sabiq baş nazir Giorgi Qaxariyanın təsis etdiyi və ölkədə üçüncü əsas güc kimi təqdim olunan “Qaxariya-Gürcüstan naminə” partiyası isə 25 nömrə ilə mübarizə aparacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
