Gürcüstanın Baş naziri İrakli Qaribaşvili Ukraynaya rəsmi səfərə gedib
Tbilisi, 21 avqust, AZƏRTAC
Gürcüstanın Baş naziri İrakli Qaribaşvili avqustun 21-də Ukraynaya rəsmi səfərə gedib.
AZƏRTAC xəbər verir ki, bu barədə Gürcüstanın hökumət administrasiyasından məlumat verilib.
Bildirilir ki, bu gün İrakli Qaribaşvili Lvovda Ukraynanın Baş naziri Denis Şmıqal ilə görüşəcək. Həmçinin Gürcüstan hökuməti rəhbərinin avqustun 22-də Ukrayna Prezidenti Vladimir Zelinski ilə də görüşü nəzərdə tutulub.
Bu görüşlərdə iki ölkə arasında siyasi, iqtisadi, humanitar, müdafiə və digər sahələrdə birgə əməkdaşlıq, regional əməkdaşlığın perspektivləri və sair məsələlər müzakirə olunacaq.
Səfər avqustun 23-də başa çatacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
