Gürcüstanlı nazir müavini: Region ölkələrinin enerji əməkdaşlığı yeni mərhələyə keçir
Bakı, 1 iyun, AZƏRTAC
“Xəzər-Qara dəniz-Avropa Yaşıl Enerji Dəhlizi” layihəsi üzrə texniki-iqtisadi əsaslandırma işləri artıq tamamlanıb.
AZƏRTAC xəbər verir ki, bu sözləri Gürcüstanın iqtisadiyyat və dayanıqlı inkişaf nazirinin müavini İnqa Pxaladze Bakı Enerji Forumunda “Davamlı və şaxələndirilmiş enerji gələcəyi naminə beynəlxalq əməkdaşlıq” mövzusundakı plenar müzakirəsində çıxışı zamanı deyib.
O bildirib ki, layihə çərçivəsində 4 min meqavat gücə malik enerji ötürülməsi nəzərdə tutulur.
“Region ölkələrinin enerji əməkdaşlığı yeni mərhələyə keçir. Hazırda layihə üzrə texniki və geofiziki məsələlərin öyrənilməsi istiqamətində işlər davam etdirilir. Layihə Avropa İttifaqının Qarşılıqlı Maraq Layihəsi (PMI) statusu almaq üçün təqdim olunub. Bu təşəbbüs region ölkələrinin əməkdaşlığına əsaslanır və enerji mənbələrinin şaxələndirilməsinə, eləcə də yaşıl enerjinin inkişafına töhfə verməyi hədəfləyir”, - deyə o qeyd edib.
Bölmənin digər xəbərləri
