HAİTİDƏ TROPİK QASIRĞALARDAN TƏXMİNƏN 2 MİN ADAM HƏLAK OLMUŞDUR
Hazırda 1330 adamın cəsədi tapılmış, daha 1056 nəfər itkin düşmüşdür. Sonuncuların da həlak olduğu – yağış sellərinin cəsədlərini yuyub apardığı və ya torpaqsürüşmələri nəticəsində evlərin dağıntıları altında qaldığı güman edilir. 2,6 mindən çox adam yaralanmış, təqribən 300 min insan evsiz-eşiksiz qalmışdır. Bundan əlavə, ölkədə tüğyan edən epidemiyaların qurbanlarının sayı da artmaqdadır.
BMT-nin Haitidəki sülhməramlı qüvvələrinin komandanı, braziliyalı general Aqusto Heleno Ribeyro Pereyra demişdir: ”Vəziyyət ağırdır. Təbii fəlakətdən bilavasitə zərər çəkməyən insanlar da aclıqdan, içməli su, dava-dərman, tibbi ləvazimat çatışmazlığından əziyyət çəkirlər, çünki dövlətin onsuz da zəif olan infrastrukturu bu faciədən sonra, əslində, iflic vəziyyətinə düşmüşdür.
Bölmənin digər xəbərləri
