HƏMVƏTƏNİMİZ KİYEVİN PEÇERA RAYON SOVETİNİN DEPUTATI SEÇİLMİŞDİR

20.04.2006 [21:45]
Çap et
A⁺ A^-

AZƏRTAC-ın Kiyevdəki xüsusi müxbiri xəbər verir ki, Azərbaycanın Ukraynadakı səfirliyinin əməkdaşları aprelin 20-də həmvətənimiz Vilayət Quliyevi yerli özünüidarə orqanlarına son seçkilərdə Kiyevin yenidən Peçera rayon sovetinin deputatı seçilməsi münasibətilə təbrik etmişlər.

54 yaşlı V.Quliyev 30 ildən çoxdur ki, Kiyevdə yaşayır, ayaqqabı fabrikinin direktorudur. Artıq üçüncü dəfədir Peçera rayon sovetinin deputatı seçilir. Əvvəlki iki çağırışda qanunçuluq, vətəndaşların hüquqları və deputat etikası daimi komissiyasının üzvü olmuşdur. İndiki seçkilərə namizədliyi Litvinin Xalq bloku tərəfindən irəli sürülmüşdü. V.Quliyev işinin çox olmasına baxmayaraq, diasporumuzun işində də yaxından iştirak edir.

V.Quliyev AZƏRTAC-ın müxbirinə demişdir: “Ümummilli liderimiz, müdrik Heydər Əliyevin təbirincə desək, mən də azərbaycanlı olduğumla fəxr edirəm və tarixi Vətənimin tərəqqisi, Azərbaycanla Ukrayna arasında dostluq münasibətlərinin möhkəmləndirilməsi naminə səylərimi əsirgəməyəcəyəm”.

HƏMVƏTƏNİMİZ KİYEVİN PEÇERA RAYON SOVETİNİN DEPUTATI SEÇİLMİŞDİR

MÜƏLLİFLƏ ƏLAQƏ

Bölmənin digər xəbərləri