Hər il 600 min insan hepatit B virusu ilə əlaqədar xəstəliklərdən ölür
Bakı, 28 iyul (AZƏRTAC). İyulun 28-i Beynəlxalq Hepatitlə Mübarizə Günü kimi qeyd edilir.
Dünya Səhiyyə Assambleyasının qərarı ilə 2010-cu ildə bu tarix Beynəlxalq Hepatitlə Mübarizə Günü elan edilmişdir.
Səhiyyə Nazirliyindən AZƏRTAC-a bildirmişlər ki, 2013-cü ildə Beynəlxalq Hepatitlə Mübarizə Günü “Bu, sən düşündüyündən də yaxındır” şüarı altında keçirilir.
Hepatit (A, B, C, D, E) virusları kəskin xroniki xəstəliklər törədərək insanın sağlamlığında ciddi pozuntulara səbəb ola bilər. Təqribən hər il 600 min insan hepatit B, 350 mindən çox insan isə hepatit C virusu ilə əlaqədar xəstəliklərdən ölür.
Bu il Dünya Səhiyyə Təşkilatı (DST) bu xəstəliklə mübarizə aparmaq üçün yeni qlobal çərçivə proqramının icrasına başlayır. Əməkdaşlığın genişləndirilməsi və resursların səfərbərliyi, eləcə də xəstəliklə bağlı maarifləndirmənin gücləndirilməsi DST-nin yeni çərçivə proqramının prioritetlərini təşkil edir.
Bölmənin digər xəbərləri
