HEYDƏR ƏLİYEV ADINA SARAYDA BƏRPA İŞLƏRİ QRAFİKƏ UYĞUN APARILIR
AZƏRTAC xəbər verir ki, Heydər Əliyev adına sarayda bərpa işləri qrafikə uyğun aparılır.
Mədəniyyət və turizm naziri Əbülfəs Qarayevin dediyinə görə, dünya standartlarına uyğun bərpa edilmiş saray sentyabrın sonunadək hazır olacaqdır. Təmir işləri zamanı Avropanın ən yeni texnologiyaları, materialları tətbiq olunmuşdur.
Ə.Qarayev kinematoqrafçılarla görüşdə demişdir ki, Nizami adına kinoteatrda aparılacaq bərpa işlərinə gəldikdə isə, burada da heç bir problem yoxdur. Layihə təsdiq edilmiş, tender sənədləri hazırlanmışdır. Yalnız işə başlamaq və onu başa çatdırmaq qalır. İşlər, çox güman ki, sentyabrın 1-dən başlanacaqdır.
Bölmənin digər xəbərləri
