“HEYDƏR ƏLİYEV SİYASİ MƏKTƏBİNİ ÖYRƏNİRİK” MÖVZUSUNDA NÖVBƏTİ SEMİNAR-MƏŞĞƏLƏ
Nazirliyin mətbuat xidmətindən AZƏRTAC-a bildirmişlər ki, sentyabrın 30-da İsmayıllı rayonunda Şirvan zonasına daxil olan rayonların gənclər, idman və turizm idarələri rəhbərlərinin, gənclər təşkilatları nümayəndələrinin, fəal gənclərin iştirakı ilə “Heydər Əliyev siyasi məktəbini öyrənirik” mövzusunda növbəti seminar–məşğələ keçirilmişdir.
Tədbirdə “Heydər Əliyev müasir Azərbaycan dövlətinin qurucusudur”, “Heydər Əliyev və Azərbaycanda idmanın inkişafı, dövlət gənclər siyasətinin formalaşması”, “Heydər Əliyev və Azərbaycanda iqtisadi inkişaf”, “Heydər Əliyev milli ordumuzun memarıdır” mövzularında məruzələr dinlənilmişdir.
