Hindistanın şərqində siklon səbəbindən 1,1 milyon nəfər təxliyə edilib
Bakı, 27 may, AZƏRTAC
Hindistanın şərqindəki Qərbi Benqal əyalətinin sahilyanı ərazilərindən güclü “Remal” siklonu səbəbindən təxminən 1,1 milyon nəfər təxliyə edilib.
AZƏRTAC xəbər verir ki, bu barədə NDTV telekanalı məlumat yayıb.
Məlumata görə, səlahiyyətlilər, həmçinin Benqal körfəzindəki əyalətdə turistlərə hotellərini tərk edərək daha təhlükəsiz yerlərə köçməyi tövsiyə ediblər.
Hindistan Meteorologiya İdarəsindən bildirilib ki, siklon artıq Banqladeşə və Hindistanın şərq sahillərinin bəzi hissələrinə çatıb. Şiddətli əsən küləyin sürəti 120-135 km/saat olub.
Bölmənin digər xəbərləri
