Hollivud ulduzu Kevin Hart avtoqəza nəticəsində ciddi xəsarət alıb
Vaşinqton, 3 sentyabr, AZƏRTAC
Hollivud ulduzu, “Çox qorxulu kino-3”, “Çox qorxulu kino-4” və “Kişi kimi fikirləş” filmlərinə görə xüsusilə məşhurlaşmış komik Kevin Hart Malibuda (Kaliforniya ştatı) avtoqəzaya düşüb.
AZƏRTAC Kaliforniya ştatı yol patrul polisinin məlumatına istinadla xəbər verir ki, qəza nəticəsində daha iki nəfər xəsarət alıb. Bildirilir ki, Hart və sürücü Cared Blək onurğa sütunundan ciddi xəsarət alıb. Onlar dərhal yerli xəstəxanaya çatdırılıblar. Məlum olub ki, Harta məxsus avtomobilin sükanı arxasında Blək olub. O, bir anlığa idarəetməni itirib. Nəticədə avtomobil yoldan çıxıb dərəyə aşıb. Maşında daha bir nəfər qadın olub. Onun tibbi yardıma ehtiyacı olmayıb, Hard və Blək isə ağır vəziyyətdirlər. Polis onu da əlavə edib ki, hadisə zamanı sürücü içkili olmayıb.
Yusif Babanlı
AZƏRTAC-ın xüsusi müxbiri
Vaşinqton
Bölmənin digər xəbərləri
