NYT: Əraqçi və Qalibaf ABŞ ilə müqavilə imzalamaq üçün Cenevrəyə gedəcəklər
Bakı, 15 iyun, AZƏRTAC
İran parlamentinin sədri Məhəmməd Bağır Qalibaf və xarici işlər naziri Abbas Əraqçi ABŞ ilə müqavilənin imzalanması üçün Cenevrəyə gedəcəklər.
AZƏRTAC xəbər verir ki, bu barədə “The New York Times” (NYT) adları açıqlanmayan İran rəsmilərinə istinadla məlumat yayıb.
Mənbələrin bildirdiyinə görə, iyunun 19-na planlaşdırılan imzalanma mərasimində ABŞ tərəfini Vitse-prezident Cey. Di. Vens təmsil edəcək. Nəşr qeyd edir ki, görüş baş tutacağı təqdirdə, bu, Vaşinqton və Tehran arasında son 47 ildə ən yüksəksəviyyəli təmas olacaq.
Bundan əvvəl Vens “Fox News” telekanalına müsahibəsində ABŞ Prezidenti Donald Trampın sənədin imzalanması üçün Cenevrəyə səfər edə biləcəyini istisna etməyib.
“İmzalama mərasimində kimin iştirak edəcəyi ilə bağlı təşkilati məsələlər hələ də müzakirə olunur. Mən mütləq orada olacağam, lakin prezidentin də tədbirə qatılması mümkündür”, – deyə o bildirib.
Bölmənin digər xəbərləri
