Serbiya Prezidenti ilk dəfə Gürcüstana rəsmi səfər edəcək
Tbilisi, 15 iyun, AZƏRTAC
Serbiya Respublikasının Prezidenti Aleksandr Vuçiç iyunun 15-də ilk dəfə Gürcüstana rəsmi səfər edəcək.
AZƏRTAC xəbər verir ki, bu barədə Gürcüstan Prezident Administrasiyası məlumat yayıb.
Bildirilib ki, Serbiya Prezidentini səfərdə həyat yoldaşı və dövlət nümayəndə heyəti müşayiət edəcək.
Gürcüstan Prezident sarayında Serbiya dövlətinin başçısının rəsmi qarşılanma mərasimi olacaq. Gürcüstan Prezidenti Mixeil Kavelaşvili Aleksandr Vuçiçlə təkbətək görüş keçirəcək və tərəflər ikitərəfli əməkdaşlığın və tərəfdaşlığın dərinləşdirilməsi məsələlərini müzakirə edəcəklər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
