İKİNCİ FƏLƏSTİN ÜSYANININ AĞIR NƏTİCƏLƏRİ

28.09.2004 [22:36]
Çap et
A⁺ A^-

İkinci Fələstin üsyanının başlandığı vaxtdan ötən dörd ildə radikal təşkilatların törətdikləri terror aktları və təxribatlar nəticəsində 1017 israilli həlak olmuş və 5600 nəfər xəsarət almışdır. AZƏRTAC-ın İTAR-TASS-dan aldığı xəbərə görə, bu, İsrailin Ümumi Təhlükəsizlik Xidmətinin (ŞABAK) ikinci Fələstin üsyanının başlanmasının 4-cü ildönümü ilə əlaqədar hazırladığı hesabatda açıqlanır.

Sənəddə deyilir ki, həlak olanların 70 faizi və xəsarət alanların 80 faizindən çoxu dinc vətəndaşlardır. 4 ildə intiharçı terrorçular 138 partlayış törətmişlər. Həmin dövrdə odlu silahdan istifadə etməklə 13 mindən çox basqın qeydə alınmışdır.

Fələstin mənbələri isə bildirirlər ki, 2000-ci il sentyabrın 28-dən bəri İsrail ordusunun, polisin və məskunların əməlləri nəticəsində 3334 fələstinli həlak olmuşdur. Onların 82 faizi mülki şəxslərdir. Ötən dörd ildə 10 min fələstinli uşaq yaralanmışdır.

İKİNCİ FƏLƏSTİN ÜSYANININ AĞIR NƏTİCƏLƏRİ

MÜƏLLİFLƏ ƏLAQƏ

Bölmənin digər xəbərləri