İQTİSADİYYAT
İlin ilk yarısında Enerji Məsələlərini Tənzimləmə Agentliyinə 2868 vətəndaş müraciət edib
![İlin ilk yarısında Enerji Məsələlərini Tənzimləmə Agentliyinə 2868 vətəndaş müraciət edib](/files/2022/2/1200x630/16572666425460945325_1200x630.jpg)
Bakı, 8 iyul , AZƏRTAC
Cari ilin ilk yarımilində istehlakçıların hüquqlarının qorunması, abonentlərin elektrik və istilik enerjisi, təbii qazla təchizatı və digər məsələlərlə bağlı Enerji Məsələlərini Tənzimləmə Agentliyinə (AERA) bilavasitə və Energetika Nazirliyindən 2868 müraciət daxil olub.
Agentlikdən AZƏRTAC-a bildirilib ki, elektrik enerjisi təchizatı ilə bağlı 202-si məlumat xarakterli olmaqla 2339 müraciət edilib. Təbii qaz təchizatı ilə bağlı 44-ü məlumat xarakterli olmaqla 400 müraciət olunub.
İstilik təchizatı ilə bağlı 5-i məlumat xarakterli olmaqla 44 müraciət edilib. Digər məsələlərlə bağlı isə 85 müraciət göndərilib.
2293 müraciət agentlik tərəfindən araşdırılıb və cavablandırılıb (39 müraciət müvafiq qaydada baxılması və tədbir görülməsi üçün aidiyyəti qurumlara göndərilib), 30 müraciət Energetika Nazirliyi ilə müştərək icra olunub, 292 müraciət hazırda baxılma prosesindədir, 253 məlumat xarakterli müraciətdən 106-sı qaldırılan problemlərin həlli ilə bağlı təşəkkür məktubu olub.