İLİN SONUNADƏK AZƏRBAYCANIN BANKLARINDAKI ƏMANƏTLƏRİN HƏCMİ 1 TRİLYON 200 MİLYARDMANATA ÇATACAQDIR

21.08.2003 [15:47]
Çap et
A⁺ A^-

Azərbaycanın banklarında əmanətlərin həcmi 1 trilyon manata çatmışdır. Milli Bankın İdarə Heyətinin sədri Elman Rüstəmov müxbirimizə bildirmişdir ki, ilin sonunadək bu rəqəm 1 trilyon 200 milyard manat ola bilər.

O demişdir ki, bu gün bank sistemində baş verən keyfiyyət və kəmiyyət dəyişiklikləri əhalinin inamını getdikcə artırır. Bu ilin 7 ayı ərzində əmanətlərin artımı 53 faiz təşkil etmişdir. İlin sonunadək artımın 75 faiz təşkil edəcəyi gözlənilir. Əhalinin sosial müdafiəsinin gücləndirilməsi ilə bağlı Azərbaycan Prezidentinin Fərmanları, neft gəlirlərinin xeyli artması bunun üçün zəmin yaratmışdır.

Əmanətlərin sığortalanması, eyni zamanda bankların sosial bazasının gücləndirilməsinə, kredit faizlərinin aşağı salınmasına səbəb olacaqdır.