İQTİSADİYYAT
İnnovasiyalar Agentliyində müasir bank sektorunda innovativ həllər və fəaliyyətin vacibliyi müzakirə olunub
Bakı, 29 avqust, AZƏRTAC
Avqustun 29-da Azərbaycan Beynəlxalq Bankının idarə heyətinin üzvləri İnnovasiyalar Agentliyinin rəhbərliyi ilə müasir bank sektorunda innovativ həllər və fəaliyyətin vacibliyi müzakirə olunub.
Agentlikdən AZƏRTAC-a bildirilib ki, görüşdə İnnovasiyalar Agentliyinin idarə heyətinin sədri Tural Kərimli, Azərbaycan Beynəlxalq Bankının idarə heyətinin sədri Abbas İbrahimov, müavinləri Nəbi Əliyev, Taleh Tahirli və Korporativ Biznesin İnkişafı departamentinin direktoru Ülvi Qasımov, həmçinin Nəqliyyat, Rabitə və Yüksək Texnologiyalar nazirliyinin müşaviri, “AzInTelecom” MMC-nin direktoru Leyla Məmmədova da iştirak edib.
Görüş zamanı İnnovasiyalar Agentliyinin idarə heyətinin sədri agentliyin həyata keçirdiyi layihələr, fəaliyyəti və gələcək planlar haqda məlumat verib.
Azərbaycan Beynəlxalq Bankının idarə heyətinin sədri Abbas İbrahimov müasir bank sektorunda innovativ həll və fəaliyyətin vacibliyini vurğulayıb və Beynəlxalq Bankın bu istiqamətdə fəaliyyəti haqqında danışıb.