İRAQDA DÖVLƏT BAYRAĞININ YENİ VARİANTI ÜÇÜN MÜSABİQƏ ELAN OLUNMUŞDUR
AZƏRTAC xəbər verir ki, İraqda Dövlət bayrağının yeni variantı üçün müsabiqə elan olunmuşdur.
Bayraqların müxtəlif variantları sentyabrın sonunadək qəbul olunacaqdır. Onlardan üçü seçilərək parlamentə təqdim olunacaqdır. Bu məsələ üzrə səsvermə ilin sonunda olacaqdır.
Bu ilin yanvarında birliyin, azadlığın və sosializmin - Səddam Hüseynin BƏƏS partiyasının üç məqsədinin rəmzi olan üç yaşıl beşgüşəli ulduz bayraqdan götürülmüşdü.
İraqın Prezident Şurası parlament tərəfindən qəbul olunmuş qanun əsasında müvafiq dəyişiklikləri təsdiq etmişdir. Müvəqqəti bayraqda “Allah böyükdür” kəlamının Hüseynin xəttinə oxşar yazılışı da dəyişdirilmişdir.
Bayrağın dəyişdirilməsini, xüsusən, Hüseynin hakimiyyəti dövründə təqiblərə məruz qalan İraq kürdləri tələb edirdilər. XX əsrdə İraq bayrağı bir neçə dəfə dəyişdirilmişdir.
Bölmənin digər xəbərləri
