İRAQDA GİROV GÖTÜRÜLƏN İTALYANLAR SAĞDIRLAR

25.09.2004 [22:46]
Çap et
A⁺ A^-

İraqda girov götürülən italiyalı qadınlar sağdır və yaraqlılar onlarla yaxşı rəftar edirlər. AZƏRTAC xəbər verir ki, bunu Küveytin “Ər-Rəy əl-Ümm” qəzeti İraq mənbələrinə istinadla xəbər vermişdir. Qəzetin məlumatına görə, qadınları oğurlayan islamçılar onlarla hərbi əsirlər barəsində şəriətdə nəzərdə tutulan qaydalara uyğun rəftar edirlər.

Sentyabrın 7-də İtaliyanın humanitar təşkilatının nümayəndələri Simona Torretanı və Simona Parini oğurlayan “Cihad hərəkatı”nın nümayəndələri bildirmişlər ki, bu qadınlar heç bir zorakılığa məruz qalmırlar, çünki zorakılıq şəriət qaydalarına ziddir.

İslam dairələrinə yaxın olan qəzet hesab edir ki, girovların öldürüldüyü barədə “İraq islam müqavimət hərəkatında az tanınan və nüfuzu olmayan iki qruplaşmanın” yaydığı məlumat həqiqətə uyğun deyildir.

İslamçıların nümayəndələri qəzet vasitəsilə bəyan etmişlər: “İtaliyalıların girov saxlanılmasından məqsəd İtaliya xalqına və Silvio Berluskoni hökumətinə bunu aydınca anlatmaqdır ki, İraq xalqı İtaliya əsgərlərinin ölkəyə göndərilməsi qərarını pisləyir və İspaniyadan nümunə götürərək, İraq xalqı ilə dostluğun saxlanması naminə onların ölkədən çıxarılmasını tələb edir.

İRAQDA GİROV GÖTÜRÜLƏN İTALYANLAR SAĞDIRLAR

MÜƏLLİFLƏ ƏLAQƏ

Bölmənin digər xəbərləri