İRAQIN NEFT EHTİYATI 250 İLƏ BƏS EDƏR

30.09.2004 [21:08]
Çap et
A⁺ A^-

Neft hasilatının səviyyəsi gündə 3-5 milyon barrelə çatsa belə, İraqın neft ehtiyatı, təxminən 250 ilə bəs edər. AZƏRTAC-ın ərəb informasiya agentliklərindən aldığı xəbərə görə, bunu İraqın karbohidrogenlər sahəsində tanınmış mütəxəssisi, Bəsrə Universitetinin professoru Əbdül Cabbar Əbud bildirmişdir.

O demişdir ki, İraqın kəşf olunmuş neft ehtiyatı 115 milyard barrel, yaxud bütün dünya ehtiyatlarının 11 faizini təşkil edir. İraqın cənubundakı və qərbindəki perspektivli yataqlar, habelə geoloji kəşfiyyat məlumatları nəzərə alınarsa, ölkənin təbii neft ehtiyatlarının həcmi 300 milyard barrelə çata bilər ki, bu da “qara qızıl” ehtiyatlarının həcminə görə İraqı dünyada birinci yerə çıxarar.

Hazırda İraqda gündə 2 milyon barreldən artıq neft hasil olunur.

İRAQIN NEFT EHTİYATI 250 İLƏ BƏS EDƏR

MÜƏLLİFLƏ ƏLAQƏ

Bölmənin digər xəbərləri