“İRƏLİ” HƏRƏKATI KEÇİRDİYİ HƏMRƏYLİK AKSİYASININ BƏYANATINI TÜRKİYƏ SƏFİRİNƏ TƏQDİM ETMİŞDİR
AZƏRTAC xəbər verir ki, iyulun 29-da Türkiyənin Azərbaycandakı səfiri Hulusi Kılıç İstanbulda törədilmiş terror aktı ilə əlaqədar səfirliyin qarşısında həmrəylik aksiyası keçirən “İrəli” Ümumrespublika Gənclər Hərəkatının nümayəndələri ilə görüşmüşdür.
Türkiyənin haqq işinə verdikləri dəstəyə görə hərəkatın təmsilçilərinə təşəkkürünü bildirən H.Kılıç demişdir ki, İstanbulun mərkəzində törədilmiş terror aktına Azərbaycan gənclərinin bu cür kəskin etirazı dost və qardaş xalqlarımızın birliyinə bariz nümunə hesab oluna bilər.
Səfir vurğulamışdır ki, Azərbaycan Prezidenti İlham Əliyevin İstanbulda törədilmiş terror aktı ilə bağlı Türkiyə rəhbərliyinə göndərdiyi başsağlığı teleqramı qardaş ölkənin dövlət başçısının terrorla mübarizədə rəsmi Ankaranın yanında olmasının əyani təzahürüdür.
“İrəli” hərəkatının təmsilçiləri aksiya iştirakçılarının bəyanatını və terroru lənətləyən məktubu səfirə təqdim etmişlər.
Bölmənin digər xəbərləri
