İQTİSADİYYAT
İRİA: Bizim 70-dən çox unikal mentorlarımız var
![İRİA: Bizim 70-dən çox unikal mentorlarımız var](/files/2023/3/1200x630/17014291163354755693_1200x630.jpeg)
Bakı, 1 dekabr, AZƏRTAC
İRİA olaraq bizim 70-dən çox unikal mentorlarımız var. Hazırda agentlik 3 mentor proqramı həyata keçirir.
AZƏRTAC xəbər verir ki, bu barədə Bakıda keçirilən "InMerge Innovation Summit"in ikinci günü İnnovasiya və rəqəmsal inkişaf Agentliyinin (İRİA) sədri İnarə Vəliyeva deyib.
İnarə Vəliyeva qeyd edib ki, hazırda Koreya Respublikası ilə birgə mentorlar üçün “KOICA Mentorship training” proqramı reallaşdırılır.
“Bu proqrama 20 startap “Viveka Mentorship training” proqramında 40-dan çox akademik heyət və inkubasiya edilmiş 50 startap var. Növbəti “Founders Academy” mentorluq proqramı Azərbaycana məxsus ilk mentorluq proqramıdır. Bütün dünyada bir ilkdir. Bu proqrama 10 sahibkar və 2 ekosistem oyunçusu daxildir. Onlar 2024-cü ildə 6 ay ərzində Avropanın “Unicorn” şirkətlərində təcrübə proqramı keçəcəklər”, - deyə İ.Vəliyeva əlavə edib.