“İşıqlı kuklalar şousu” maraqla qarşılanıb
Bakı, 18 fevral, AZƏRTAC
Heydər Əliyev Sarayında uşaqlar üçün orijinal və interaktiv yeni tamaşa “İşıqlı kuklalar şousu” təqdim olunub.
Saraydan AZƏRTAC-a bildirilib ki, öz kreativliyi ilə fərqlənən, 1 metrdən 8 metrədək ölçüsü olan yeni, parlaq, unudulmaz, qeyri-adi və unikal işıqlı kuklalar tamaşaçıların marağına səbəb olub. Nikolay Zıkov teatrının təqdim etdiyi bu unikal tamaşa bənzərsiz uğurlarla bütün dünyada sevilir.
Nikolay Zıkov dünyanın ən tanınan kuklaçılarından biridir. 200-dək kukla yaradan, Avropa, Asiya, Afrika, Şimali və Cənubi Amerikanın 40-dan çox ölkəsində tamaşalarla çıxış edən Nikolay Zıkov bir çox kukla şousunun müəllifi, rejissoru, rəssamı və ifaçısıdır.
Onun yenilikçi yaradıcılıq fəaliyyəti və peşəkar ifaçılığı bir çox beynəlxalq mükafatlara layiq görülüb.
Bölmənin digər xəbərləri
