İSLAMA MÜNASİBƏTDƏ SİYASİ NƏZAKƏTDƏN İMTİNA ETMƏK TƏKLİFİ QƏBUL OLUNMAMIŞDIR
Mərkəzin baş direktoru Andrey Xoxlov giriş sözündə demişdir ki, onun fikrincə, dinin terrorizmlə bir araya sığmaması tezisinə əsaslanmaq səmərəsizdir. Siyasi nəzakət çərçivəsindən kənara çıxmaq lazımdır, bu halda düzgün nəticəyə gəlmək olar.
Moskva Dövlət Beynəlxalq Münasibətlər İnstitutu (Universiteti) kafedra müdirinin müavini Vladimir Leqoyda isə bildirmişdir ki, demokratiyanın əsaslarını dəyişmədən terrorizmə qalib gəlmək mümkün deyildir. Alim bununla əlaqədar, daha çox, pravoslavlığa söykənməyi təklif etmişdir. Bundan əlavə, əhalini dini baxımdan maarifləndirmək vacibdir. Onun fikrincə, “bu, sadəcə, bilgi naminə deyil, həyatı qorumaq naminə bilikdir”.
Rusiya Müftilər Şurasının mətbuat katibi Radiq Əmirov isə Xoxlova və Leqoydaya cavabında demişdir ki, terrorizmi ixtiyari, yaxud qeyri-ixtiyari olaraq İslamla eyniləşdirmək yolverilməzdir. “İslam terrorizmi” termini cəmiyyətə süni surətdə təlqin etdirilir. O, jurnalistləri və şərhçiləri indi KİV-lərdə İslam əleyhinə qaldırılan isterik hay-küyə görə məsuliyyətə çağırmışdır.
Rusiya müsəlmanları təşkilatı adından çıxış edən Əbdülkərim Çerniyenko bildirmişdir ki, İslama hücumun, bir sıra ölkələrdə olduğu kimi, Qərb standartlarının müsəlmanlara zorla qəbul etdirilməsinin özü də terrorizmdir.
Bölmənin digər xəbərləri
