“İsmətli arvadbazın vəsiyyəti” komediyası Azərbaycan Dövlət Rus Dram Teatrının səhnəsində
Bakı, 11 noyabr (AZƏRTAC). Dekabrın 21-22-də Səməd Vurğun adına Azərbaycan Dövlət Rus Dram Teatrı əfsanəvi “Amfibiya adam” filminin qəhrəmanı, Rusiya Federasiyasının Xalq Artisti Vladimir Korenevi “İsmətli arvadbazın vəsiyyəti” super komediyasında təqdim edəcəkdir.
Teatrın mətbuat xidmətindən AZƏRTAC-a bildirmişlər ki, komediyanın müəllifi Anatoli Krım, tamaşanın rejissoru Pyotr Orlovdur.
Səhnə əsərində Rusiyanın məşhur kino və teatr aktyorları, o cümlədən Sergey Qluşko (Tarzan kimi tanınan), dövlət teatrının aparıcı aktyorları Marianna Romanova və Filip Aleksandrov yer almışlar.
Müasir Ukrayna nasiri və dramaturqu Anatoli Krımın Don Juanı qadınlardan qaçmır. Onların sayı 617 olmuş və hər birini dəli kimi sevsə də, heç birinə sahib olmamışdır.
İntriqa, incə yumor, rejissor tapıntısı, təkrarsız aktyor ansamblı, zərif səhnə quruluşu, kostyumlar və orijinal musiqi tamaşaçıların ürəyindən olacaqdır.
Bölmənin digər xəbərləri
