İspaniya və Ukrayna təhlükəsizlik haqqında müqavilə imzalayıb
Bakı, 27 may, AZƏRTAC
İspaniyanın Baş naziri Pedro Sançes və Ukrayna Prezidenti Volodimir Zelenski Madriddə təhlükəsizlik sahəsində əməkdaşlıq haqqında müqavilə imzalayıblar.
AZƏRTAC El País qəzetinə istinadla xəbər verir ki, İspaniya paytaxtına gələn Zelenskinin Kral VI Filipplə də görüşü gözlənilir.
İspaniya ilə təhlükəsizlik müqaviləsi Kiyevin Almaniya və İtaliya da daxil olmaqla, bir sıra digər ölkələrlə imzaladığı sənədlərə bənzəyir və Ukraynaya hərbi dəstəyi təmin etmək məqsədi daşıyır.
Qəzetin yazdığına görə, İspaniya hakimiyyəti Ukraynaya rekord məbləğdə - 1,129 milyard avro dəyərində hərbi yardım paketi vəd edir. Buraya hərbi texnikanın geniş spektri, o cümlədən Patriot raketlərinin yeni partiyası, 19 ədəd Leopard tankı, habelə İspaniya istehsalı olan çoxsaylı materiallar daxildir.
Bölmənin digər xəbərləri
