İSPANİYADA ADAMLARLA KOMPÜTERLƏR ARASINDA ŞAHMAT ÜZRƏ İLK DÜNYA ÇEMPİONATI KEÇİRİLƏCƏK

27.09.2004 [17:15]
Çap et
A⁺ A^-

AZƏRTAC xəbər verir ki, oktyabrın 6-9-da İspaniyanın Bilbao şəhərində adamlarla kompüterlər arasında şahmat üzrə dünyanın ilk komanda çempionatı keçiriləcəkdir.

Adamlardan ibarət komandaya ukraynalılar Ruslan Ponomaryov və 14 yaşlı Sergey Karyakin, habelə bolqar Veselin Topalov daxildirlər. Dörd gün ərzində onların rəqibləri kompüter proqramları üzrə üç dünya çempionu – İsrailin “Cunior”, Almaniyanın “Frits” və Birləşmiş Ərəb Əmirliklərinin “Hidra” proqramları olacaqdır.

Xatırladaq ki, son vaxtlar “Hidra” dünyada ən güclü proqramlardan sayılır.