İsveç alimləri süni sinir hüceyrəsi yaradıblar
Bakı, 25 iyun, AZƏRTAC
İnsanın sinir hüceyrələri bir-birindən çox aralıdır. Onların qarşılıqlı təsiri kimyəvi maddələr sayəsində olur. AZƏRTAC “Biosensors & Bioelectronics” jurnalına istinadla xəbər verir ki, İsveçin Karolina İnstitutunun alimləri laboratoriya şəraitində elektrik siqnalını qəbul edib ötürə bilən hüceyrə yaradıblar.
Alimlər bioelektron komponentin köməyi ilə adi hüceyrələri əvvəlcə siqnalı qəbul etməyə, sonra isə onu ətrafdakı hüceyrələrə ötürməyə məcbur ediblər. Araşdırmanın rəhbəri, hüceyrə mikrobiologiyası üzrə professor Aqneta Rixter-Dalfors eksperimentin nəticələrini belə şərh edir: “Süni hüceyrə insan neyronları kimi kimyəvi siqnaldakı dəyişiklikləri aşkar edir, sonra bu siqnal elektrik siqnalına çevrilir. Elektron proqram təminatının köməyi ilə siqnal daha sonra lazımi yerə ötürülür və orada o, kimyəvi siqnala çevrilərək növbəti hüceyrəyə təsir göstərir”.
Alimlər əmindirlər ki, onların kəşfi tibb elmini hazırda sağalmaz hesab edilən nevroloji xəstəliklərin uğurlu müalicəsinə daha bir addım yaxınlaşdırır.
Bölmənin digər xəbərləri
