İtaliyada 2003-cü ildən sonra ən kəskin istilərin olacağı barədə xəbərdarlıq edilib
Roma, 28 iyun, AZƏRTAC
Hazırda İtaliyada isti hava şəraiti hökm sürür. Həftəsonu ölkə ərazisində havanın temperaturunun 40 dərəcəyə çatması ehtimal olunur.
AZƏRTAC ANSA agentliyinə istinadla xəbər verir ki, yaşlı və meteohəssas insanların evdə qalmaları və daha çox maye qəbul etmələri tövsiyə olunur.
Sinoptiklər bildirirlər ki, cümə günü temperatur 40 dərəcəyə çatacağı təqdirdə 2003-cü ildə ölkə ərazisində qeydə alınmış ən yüksək temperatur göstəricisi yenilənəcək.
Asiman Əsədov
AZƏRTAC-ın xüsusi müxbiri
Roma
Bölmənin digər xəbərləri
