İtaliyada COVID-19-a yoluxanların sayı 4 milyon 484 min 513 nəfərə çatıb
Roma, 23 avqust, AZƏRTAC
İtaliyada son 24 saat ərzində koronavirusa 5923 yeni yoluxma faktı qeydə alınıb.
AZƏRTAC İtaliya Səhiyyə Nazirliyinin məlumatına istinadla xəbər verir ki, ölkədə virusa yoluxanların sayı isə ümumilikdə 4 milyon 484 min 613 nəfərə çatıb. Son 24 saat ərzində 175 min 539 koronavirus testi icra olunub.
Ötən gün 23 nəfər COVID-19 səbəbindən dünyasını dəyişib. Bununla da pandemiya qurbanlarının sayı 128 min 751-ə yüksəlib.
Nazirlik 4382 nəfərin virusdan sağaldığını və aktiv xəstə sayının isə 134 min 938 olduğunu bildirib. Reanimasiya şöbəsində olan xəstələrin sayı 472-yə çatıb.
Bu günədək İtaliyada 75 milyon 252 min 826 nəfərə vaksin vurulub, hər iki dozanı qəbul edənlərin sayı 36 milyon 323 min 152 nəfərdir.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
