İyulda Enerji Məsələlərini Tənzimləmə Agentliyinə 598 vətəndaş müraciət edib
Bakı, 9 avqust, AZƏRTAC
İyulda istehlakçıların hüquqlarının qorunması, abonentlərin elektrik və istilik enerjisi, təbii qazla təchizatı və digər məsələlərlə bağlı Enerji Məsələlərini Tənzimləmə Agentliyinə (AERA) bilavasitə və Energetika Nazirliyindən 598 müraciət daxil olub.
Agentlikdən AZƏRTAC-a bildirilib ki, elektrik enerjisi təchizatı ilə bağlı 36-sı məlumat xarakterli olmaqla 506 müraciət daxil olub. Təbii qaz təchizatı ilə bağlı 3-ü məlumat xarakterli olmaqla 45 müraciət edilib.
İstilik təchizatı ilə bağlı 1, digər məsələlərlə bağlı 10-u məlumat xarakterli olmaqla 46 müraciət göndərilib.
244 müraciət agentlik tərəfindən araşdırılıb və cavablandırılıb (7 müraciət müvafiq qaydada baxılması və tədbir görülməsi üçün aidiyyəti qurumlara göndərilib), 305 müraciət hazırda baxılma prosesindədir, 49 məlumat xarakterli müraciətdən 14-ü qaldırılan problemlərin həlli ilə bağlı təşəkkür məktubu olub.
Bölmənin digər xəbərləri
