Kanada alimləri: Hər dörd uşaqdan biri internet-hədələmənin qurbanıdır
Bakı, 27 iyun, AZƏRTAC
Depressiyadan və psixi pozğunluqlardan əziyyət çəkən uşaqların sayı artır. Alimlər bildirirlər ki, kiberhədələmə uşaqlarda sinir sistemi ilə bağlı bir sıra xəstəliklərin yaranmasına səbəb olur. AZƏRTAC xarici KİV-lərə istinadla xəbər verir ki, söhbət "Facebook" kimi sosial şəbəkələrdən gedir.
Psixoloqlar Alberta Universitetinin və Qabaqcıl Təcrübə Mərkəzinin (Ottava, Kanada) nümayəndələrinin köməyi ilə həyata keçirilən 36 tədqiqat nəticəsində müəyyən ediblər ki, elektron hücumların təməlində yaşıdlarla münasibətlərdə problemlər dayanır. Sən demə, rəyi soruşulanların 5 faizdən 74 faizə qədəri virtual təhqirlərə məruz qalıb. Orta göstərici 23 faiz təşkil edib. Başqa sözlə desək, hər dörd uşaqdan biri internet-hədələmənin qurbanıdır.
Ekspertlər bildiriblər ki, hədələmə ilə depressiyanın inkişaf ehtimalının artması arasında sabit qarşılıqlı əlaqə müşahidə olunur. Məsələn, sınaqların aparıcı müəllifi Mişel Hamm bildirib ki, çox vaxt belə manipulyasiyaların qurbanı məhz qızlar olur.
Bölmənin digər xəbərləri
